x

在家3步自製小確幸 , 外賣都要食出精緻幸福感!

為咗食得更安心,呢排成日都叫外賣。之不過明明係同一樣嘢食,喺餐廳時就覺得特別滋味,但一轉咗入外賣盒就即刻變得好頹?當覺得喺屋企嘅日子好悶、千篇一律,呢個時候,你最需要嘅係: 儀 — 式 — 感。唔好睇少呢個簡單嘅步驟, 就算係好簡單嘅小裝飾,都可以為生活帶嚟一點小清新,同時令人可以保持積極樂觀嘅人生態度,呢樣好緊要㗎!

 

image3

 

平時食日本嘢都係一大班人,但喺呢段不宜聚集嘅日子,一於選擇食翻次一個人的壽司。嚟到壽司店,火速叫咗一客三文魚壽司($14)、一客吞拿魚壽司($32),同兩客火炙三文魚壽司($36),計埋外賣85折後,賣單啱啱好$70,一個人精簡過日子,抵食又開心。

 

image2

趁住呢段日子,順便畀自己身心都斷捨離一下。以往物質生活富裕、餐餐大魚大肉嘅,都可以趁住呢段時間,重新整理一下人生。以前入親壽司店都一定要十碟八碟落樓,宜家只需要點自己夠食嘅份量就足夠。其實一餐八件壽司都已經夠飽,生活過得精簡啲,健康之餘,又節省埋荷包,一舉多得!

 

image4

為咗令生活增添一點小情趣,儀式感係必要嘅。

首先,喺食飯之前整理好檯面,暫時將工作同其他雜務放埋一邊,準備好好享受面前呢一餐。

然後,從外賣盒拎出食物,轉落一個平日喜愛嘅碟入面,重新擺放整齊。

 

5

 

最後,可以喺側邊加上一啲小裝飾,例如鮮花。簡單三步,即時令食外賣都變成一種享受,為沉悶嘅日常帶嚟一點小確幸。

 

1

 

板長壽司 Itacho Sushi

地址:民泰街53-73及73A-C號地下E舖