x

一邊欣賞維港靚景一邊野餐! Picnic 必備多國人氣零食大合集

趁住呢幾日好天,係時候約埋班 friend 出嚟鬆一鬆喇!今次我哋嚟到充滿文化氣息嘅西九藝術公園,一邊欣賞住維多利亞港嘅迷人景緻,一邊同三五知己吹吹海風,嚟翻個聚舊 picnic。為咗令大家有個難忘嘅野餐回憶,我哋專程嚟到近日大熱嘅人氣零食雜貨店,蒐羅一堆精選零食做準備,當中包括最新最潮嘅日韓零食,亦有港人回憶嘅經典零食,價錢亦比起其他超市零食店平一截,埋單時 Like 埋佢哋 facebook 仲有95折優惠添!
 

韓國年糕朱古力曲奇($39)

1

 

風魔韓國嘅人氣年糕朱古力 ,外層鬆脆、內層煙韌,令人越食越上癮!之前喺韓國Gmarket 訂番香港圍番都要$45盒,香港一出又即刻賣斷曬市。但竟然喺度搵到,仲要平過韓國價添!

 

雀巢醇黑冷萃咖啡 ($13)

2

 

野餐都要講 Style,雀巢呢隻新出嘅 Cold Brew 即飲咖啡,以精選嘅阿拉伯咖啡粉,低溫慢萃出咖啡粉嘅香醇,咖啡味道更香醇,口感更細膩。

 

媽媽工房陳皮冰糖燉檸檬($19)

3

 

香港本地製造,媽媽工房一直以無添加防腐劑、不含人造色素作招徠,以自家製作飲品達到真正養生效果。呢款陳皮冰糖燉檸檬,口感清甜、清熱潤肺,仲有化痰止咳嘅功效添㗎!

 

WHOPPERS 牛奶盒朱古力波($55.06)

4

 

去韓國旅行必買手信之一,宜家喺香港有得賣喇。牛奶盒般嘅外型裝住滿滿嘅朱古力波,香濃朱古力配上牛奶脆餅,香甜酥脆口感,令人食到停唔到口!

 

西德軟糖 ($20/1000g)

6

 

西德軟糖相信係唔少朋友嘅兒時最愛,隨住夾糖店越嚟越少,西德軟糖亦漸漸成為集體回憶。荷包蛋、可樂蟲、熊仔糖係舊時必夾。成班舊同學野餐,帶埋包西德軟糖同大家回顧下青蔥歲月,特別滋味!

 

森永米奇朱古力醬心餅($24.7)

7

 

日本大熱嘅朱古力餅,外層餅乾印有米奇米妮圖案,口感香脆;內層係朱古力夾心,濃郁綿密,大人細路都咁鍾意呀! 

 

新加利士多啤梨牛奶飲品 ($13)

8

 

呢款日本士多啤利奶似乎係女生專屬,包裝已經十分日系 kawaii,開蓋聞到撲鼻嘅士多啤梨香,飲落口香甜順滑,令人心情愉悅。

 

Snackit 意式吞拿魚餐/美式吞拿魚餐 ($12.35)

9

 

八、九十後朋友,相信大家都唔會對呢款吞拿魚餐感到陌生。細細個已經成日食,優質SKIPJACK 純吞拿魚肉加上沙律醬,配以青瓜和馬蹄等配料,既美味可口,又營養豐富,野餐又點可以少得佢哋呢?

 

好棧黑木耳紅棗燕窩飲 ($25)

10

 

馬來西亞出品,呢款即飲燕窩簡直係女士恩物。啖啖都有爽脆嘅黑木耳,連同滋潤嘅燕窩同紅棗蓉,口感相當豐富!燕窩可以促進細胞再生,增強身體免疫力,幾時都咁啱飲!

 

台灣洪家手作洪瑞珍二代三文治(滿漢、招牌火腿、草莓起司、藍莓起司)($22)

12

 

以往去親台灣,回港前總要喺機場買翻一、兩打洪瑞珍三文治做手信,依家,香港都有得賣喇!同樣係三文治,佢以自家秘製嘅沙律醬代替奶油,以甜味作基礎再演變出唔同口味,甜甜酸酸非常開胃!洪瑞珍嘅第二代傳人「洪家手作」,跟同一配方製作三文治,其中最受歡迎嘅口味有滿漢、招牌火腿、草莓起司的同埋藍莓起司,依家都喺水晶屋獨家有得賣! 

水晶屋
長沙灣道680號麗新商業中心地下G52-G54號舖