x

泰國大排長龍超人氣甜品店! Mango Mania 盛夏芒果狂熱

以前去親泰國旅行,都會瘋狂食芒果,而每次經過 Mango Mania ,都見到門外大排長龍。而呢間係泰國極具人氣嘅芒果甜品店, 已經係今年初登陸咗香港喇。

 

1

始創於泰國清邁嘅 Mango Mania,喺香港開設首間分店,選址北角華富中心,同 Orange Elephant 聯乘開設餐廳。 店內裝修別緻,裝修以木材和綠色為主調。座位十分充足,唔似泰國咁要排幾個字先有得食。 店內無論係侍應定廚師都係泰國人,店員互相交流時都係以泰文溝通,坐喺店入面彷如置身於泰國一樣。

 

2

超級芒果狂熱

來店必試之一當然係呢度嘅芒果甜品,全部採用泰國清甜水仙芒製作,完全無纖維,極度嫩滑!呢個芒果超級狂熱有芒果糯米、芒果雪糕、芒果布丁、奶油配芒果椰奶醬,一次過滿足多個願望。

 

3

芒果小碗

小小嘅一碗芒果小碗,竟然入面係滿滿嘅西米。兩大塊芒果下,全部都係浸喺香濃椰汁入面嘅西米,西米彈牙爽口,食少少已經好飽肚,難怪要用小碗裝載。

 

4

芒果營養酥脆

來店必試之一呢間芒果營養酥脆唔單止顏色鮮豔吸睛,各種配料乳酪、士多啤梨、燕麥、蜜糖、蘊含豐富營養,最適合鍾意打卡又追崇健康生活嘅女士。

 

5

芒果糯米飯

一向鍾意食芒果糯米飯,呢度嘅芒果糯米飯,一上檯已傳嚟陣陣芒果椰香味。原個泰國水仙芒上,超清甜軟綿,呢度嘅糯米亦相當煙韌有咬口,配搭椰奶,味道一流。

 

6

 

7

芒果蜜糖吐司

呢款多士喺泰國當地相當熱賣,法式多士上有新鮮芒果糯米同埋椰子雪糕,仲有大大嚿水仙芒喺側邊。多士微熱,口感偏軟身,芒果糯米同多士味道已經好夾,加上椰子雪糕就更多重享受!

 

8

Mango Mania

地址:北角和富道21-53號和富地下G18C號舖