x

奢華享受 、傳統滋味、浪漫滿屋、玩味創意! 各式各樣中秋月餅大合集!

 

各式各樣中秋月餅大合集

往年成日講「一年容易又中秋」,但今個中秋一家人團團圓圓、飲下茶食下月餅,顯得特別珍貴。今期港 Style 為你呈獻各式各樣中秋月餅大合集,等你喺咁新舊特色月餅挑選出最適合你嘅月餅,買番屋企同家人分享啦!

玩味創意

玩味創意

全球首創  KFC 「全桶」月餅

今年中秋 KFC 破天荒全球首創「全桶」月餅,推出兩款特色創新月餅 — 香辣雞絲果仁月餅同埋黃金流心奶皇月餅。味道獨特之餘再配合 KFC 標誌性「全桶」包裝。「全桶」仲可以搖身一變,變成玩味十足嘅「全桶」燈籠。圓月通花設計加上內置 LED 透燈效果嘅「全桶」燈籠,勢必成為今個中秋節日最矚目搶眼嘅賞月潮物。

都爹利會館限量版燈籠月餅禮盒

都爹利會館限量版燈籠月餅禮盒

由星級團隊人手製作嘅手工奶皇月餅,以經典食譜炮製,使用優質鹹蛋黃、牛奶、椰漿及牛油等材料精心焗製, 限量版燈籠月餅禮盒每盒內有8件手工奶皇月餅,燈籠嘅 LED 燈可按掣著燈,隨心把玩。

荔園「迷你蛋黃奶皇月」禮盒

荔園「迷你蛋黃奶皇月」禮盒

茘園遊樂場係唔少香港人嘅童年回憶,呢個極具特色嘅香港品牌,今個中秋荔園茶餐廳首次推出限量版「迷你蛋黃奶皇月」禮盒,同大家邊食邊玩歡渡佳節。

Häagen-Dazs 迪士尼Tsum Tsum雪糕月餅

Häagen-Dazs 迪士尼Tsum Tsum雪糕月餅

Häagen-Dazs 同迪士尼 Tsum Tsum 攜手,以超人氣角色米奇及米妮等作雪糕月餅造型,透過色彩絢麗嘅雪糕月餅為迪士尼粉絲帶來視覺及味覺雙重享受,大人小朋友都能盡情投入 Tsum Tsum 歡樂世界!

浪漫滿屋

Bombshell X 國金軒限量版花好月圓節慶禮盒

Bombshell X 國金軒限量版花好月圓節慶禮盒

人氣創意藝術糕餅店 Bombshell 將於中秋施展甜蜜魔法,同黨米芝蓮推介食府國金軒聯乘呈獻限量版花好月圓(Lotus Luna Bomb)節慶禮盒。敲開 Bombshell 有超多甜店驚喜,連埋國金軒人氣8件裝迷奶皇月餅,今個中秋滿載驚喜。

花玥 Lune De Blossom 手工牡丹花月餅

花玥 Lune De Blossom 手工牡丹花月餅

牡丹花盛開代表圓滿富貴,月餅師傅用韓國唧花手藝,巧手塑造外形雍容華貴嘅粉嫩花卉餅皮,入口鬆化散發淡淡杏仁香。三款顏色分別係台式芋泥、中式紅豆同日式紫薯味,女朋友至愛!

Valérie Pastry 湖畔小兔珍藏版禮盒

Valérie Pastry 湖畔小兔珍藏版禮盒

本地設計師 Fay Sze 為 Valérie 打造珍藏版九件裝禮盒,敞開雙門嘅月餅盒,好似珠寶首飾箱盒,入面有九件熱賣的精選月餅。隨禮盒仲有附送英國皇家品牌 Taylors of Harrogate 茶包,口腹滿足。

奢華享受

GAUCHO特色海鹽焦糖月餅

GAUCHO特色海鹽焦糖月餅

月餅都有 fusion?頂尖阿根廷扒房 Gaucho 為慶祝中秋佳節,特意將其最受歡迎嘅海鹽焦糖芝士蛋糕幻化成精緻嘅中秋月餅。海鹽焦糖加上傳統中式蓮蓉、雞蛋及金黃糖漿等材料,味道又幾特別。

梵高藝術體驗館「花好月圓」月餅禮盒

梵高藝術體驗館「花好月圓」月餅禮盒

全球第一間以梵高為主題嘅藝術概念店,今年首度推出獨家「花好月圓」月餅同賀中秋。一盒六件奶皇月餅選用頂級食材,香港新鮮製造,並以優雅迷人嘅 Van Gogh 經典名畫《向日葵》精美月餅鐵盒盛載,值得收藏。

傳統滋味

皇御園尊貴月餅禮盒

皇御園尊貴月餅禮盒

精品中菜食府皇御園推出尊貴月餅禮盒慶祝中秋佳節。精心配搭四款口味,包括雙黃白蓮蓉月餅、雙黃金蓮蓉月餅、迷你奶皇月餅及迷你五仁月餅。傳統滋味,全家共享。

大官廳限量百子櫃奶黃月餅禮盒

大官廳限量百子櫃奶黃月餅禮盒

百子櫃禮盒以六格子設計,靈感嚟自中國傳統「六六大順」嘅概念,象徵祝願一切順利和幸福美滿嘅寓意,限量版禮盒有六個奶黃月餅,經典味道,既好味又好意頭。