x

荃灣 6000 尺特色歐美雜貨店扒房 浪漫共享草飼牛扒 All-Day-Breakfast

嚟緊下個星期就係七夕情人節,當然要同另一半浪漫一番,今次港 Style 美食巡禮帶你嚟到荃灣 6000 尺特色扒房,大嘆美國靚牛,一齊同另一半盡情享受屬於二人嘅悠然午後啦。

位於荃灣海之戀商場嘅 Feather&Bone,係一間集外賣咖啡店、雜貨店、凍肉店、酒吧同餐廳於一身嘅大型特色食店。

12

要前半部份係歐美食材雜貨店,主要販賣各種新鮮蔬果蔬菜、凍肉、芝士、咖啡、花茶、各式各樣歐美調味料以及雜貨,擺設相當精緻,猶如步入咗歐洲小鎮嘅雜貨小店一角。

 

34

店舖中間部分有幾個大型凍肉櫃,客人可以喺度親自挑選牛扒,揀完靚牛可以選擇拎返屋企自己煮,又或者選擇由餐廳內廚師即席烹調,即場享用。其中以牛扒界神級 Dry-Aged 乾式熟成牛扒最爲矜貴,越乾越好食!

 

56

而後半部份就係酒吧、餐廳以及露天戶外用餐區。如果天氣好嘅時候,坐喺戶外座位,可以飽覽荃灣海濱景色。

 

7

夏日沙律

今日嘅前菜係色彩繽紛嘅夏日沙律。以歐美常見嘅沙律菜紅菊苣爲主,紅菊苣本身帶有多種養生功效,例如促進腸胃蠕動、降血壓血糖,係瘦身女士嘅不二之選。色彩鮮豔,亦帶有令女士身心愉悅嘅功效,味道卻又帶點微微的苦,像極了愛情。配搭埋營養豐富嘅甜橙、胡桃、烤種子同埋菲達芝士,健康可口,令人愛不釋手。

 

89

牛扒煎蛋

嚟到呢度,當然唔少得試下佢哋嘅牛扒啦,All Day Breakfast 嘅餐牌有牛扒煎蛋。牛扒係草餵肉眼扒,草飼牛肉質結實,比較有咬口,肉味特別濃,比起市面上平日食嘅穀飼牛所需嘅飼養時間更長。雖然草飼牛同穀飼牛外表上睇落去分別唔大,但咬落就知,味道更濃郁,適合對高質牛扒有要求嘅朋友。輕煎菠菜仲相當脆綠,啖啖都係健康,配上兩隻流心太陽蛋,絕對係滿分之作。

 

1011

白酒煮青口

嚟到呢度,當然唔少得試下佢哋嘅牛扒啦,All Day Breakfast 由白酒、辣椒、蒜頭多種配料烹調而成,呢度嘅青口肉汁嫩滑、味道鮮甜,又帶有嚼勁,如果可以大粒啲就完美喇。配上烤法包,法包本身口感偏硬、帶有微酸,而沾上帶青口味道嘅醬汁,軟腍腍好咬口,相當滋味!

 

同另一半浪漫午餐後,當然唔少得拍拖行埋商場入面嘅日本超大型超級市場驚安之殿堂 Don Don Donki,掃埋大堆人氣日本直送人氣零食翻屋企。

1213

 

Feather & Bone


地址:大河道100號海之戀商場地下G09號舖