x
Door Photo
地址
迎東邨迎東商場地下街巿32及33號檔
電話號碼
25600455
餐廳簡介
座位數目
0

巧手製作 Crafted

Bookmark count
18
District
Cuisine
Price Range
$50以下
招牌菜式
唐記包點主理的蒸飯及手工腸粉

評價

慳住荷包? 平價食幾餐?
等級4 Pinky Lee 0703 09/09/2019 - 02:00
132
平時見到好多人喺度買嘢食,今次就嚟試下啦。?呢度有特別東涌迎東分店限定精選:鹹魚肉餅飯同章魚肉餅飯,每款都只係$15咋??,真係平到你唔信!我要咗個鹹魚肉餅飯,估唔到$15個份量又幾多個噃,一定食得飽肚。因為個人唔鍾意食太淋嘅肉餅,呢度嘅肉餅都唔會太淋身,啱我口味,仲有陣陣鹹魚香味。另外無特別做優惠嘅飯都只係$20,嚟個鳳爪排骨飯,鳳爪好入味,豉汁撈飯正呀!仲加多個鹹蛋肉餅飯,鹹蛋加肉餅絕對係無得輸,perfect match,送飯一流。仲有新鮮即煎菜肉包、韮菜包、蔬菜香菇包,食落熱辣辣,餡料豐富多汁,認真真材實料。腸粉款式都有幾款,有秘製叉燒腸、巧手磨米腸、香蔥蝦米腸同埋翡翠鮮蝦腸,我揀咗香蔥蝦米腸,啲蝦米好多好香,每一口都有好香嘅蝦米同蔥,混合一齊食,非常美味。購買任何腸粉,仲可以以優惠價$12碗靚靚皮蛋瘦肉粥,個粥底都幾綿,而且又多皮蛋,啱晒愛皮蛋嘅我。平平哋咁就食到幾餐,真係抵到喊?
好平好食
等級3 Caroltszting 07/05/2019 - 02:00
109
巧手製作係唐記嘅一份子,食飯時間好多人係唐記果到買野食,而呢間巧手製作係街市入面,雖然人好多,不過見到係冷氣位置下等就順便試下佢啦!佢同唐記既野食差唔多,都係高質又平嘅包同埋點心!仲有腸粉同埋粥食!讚!加上佢仲有每日精選飯仲有得平!無得輸啊今次叫咗梅菜肉餅飯﹑叉燒腸同埋金錢肚!梅菜肉餅飯係呢日嘅每日精選,只係$15蚊,真係平到笑~仲要好足料,好抵食好飽!又唔會好咸!個人好LIKE!而叉燒腸買果陣要等耐一陣,因為真係即叫即做!好新鮮!仲可以睇住佢食,好足料,皮好薄好好食!而金錢肚好彈牙好好食!係酒樓食嘅感覺!好懷念~可以係屋企附近食到咁平既野食真係好感恩!
快靚正 之 巧手製作
等級4 soowai 06/21/2019 - 02:00
77
今日去了巧手製作買外賣,不講不知原來是唐記包點的姊妹店,難怪店面有點相似。章魚肉餅飯肉餅和章魚切得精緻,全都融為一體。肉餅很彈牙很有口感,加上飯粒粒分明,再混上醬油,一匙充滿豉油的飯粒再配上肉餅,雖然簡單,但卻非常滿足。鳳爪排骨飯朋友對自己點的鳳爪排骨也有不錯評價。鳳爪排骨的份量非常足夠,雖然排骨有點肥,但排骨的油滲在飯中卻令飯更有油香,混著豉油吃真的很美味。秘製叉燒腸 、翡翠鮮蝦腸這兒的腸粉是即叫即整,所以我們吃時還十分熱辣辣。每一份腸粉都有3條,各自切出9份。腸粉的皮很薄,但卻牢牢包住餡料,而且餡料非常足,無論叉燒腸或是蝦腸,每一口都有它們的味道。黑芝麻豆漿豆味濃,而且配有我喜愛的芝麻味,每一口豆漿在喉嚨滑過時都感覺到豆漿的細滑。巧手在港九新界都開有非常多的分店,越開越多,就是因為價錢夠平民又扺食,至於新的精選蒸飯優惠就更抵食啦。
港式漢堡包-肉夾饃
等級2 lumineuw 11/26/2018 - 01:00
198
見屋企附近開了間新食店叫巧手製作,原來是唐記包點主理喎。唐記包點就成日食,今日就去試下有咩分別。望下餐牌見到有肉夾饃,呢樣唔係周圍有得食喎,當然要試下啦!我就買了一個生薑豚肉肉夾饃同埋鮮蝦腸番屋企試下。 之前同屋企人返鄉下都有食過肉夾饃,印象中都要10蚊人仔,仲要無咁大個。姐姐遞俾我果時都有D驚喜,都幾重手喎! 望入袋原來呢個生薑豚肉肉夾饃真係好大個,重夾左好多餡料,仲要係熱騰騰,見到好滿足呀!咬落生薑味好濃郁,豚肉都好多肉汁,而且夾饃香軟,味道好夾,有港式漢堡包的感覺。 鮮蝦腸份量適中,蝦都算大隻好爽口,加了韭黄好香,柔軟細嫩,腸粉米漿香濃,夠薄又夠滑。今日真係大滿足呀!

發表評論