利興 Lee Hing

波友急 call 打乒乓球, 剛巧場地就在家附近, 瓣瓣掂但冇樣精的我當然奉陪! 冇打十幾年, 球拍與人風光不再, 不過係時候要 upgrade 下硬件, 準備下一場! 打完波, 就在隔離的街市檔醫肚. 這裏價格相宜, 小菜幾十塊也有, 又有潮式鹵味, 連幾支啤酒我都應該幾好. 波友中有不少女中豪傑, 所以隨意選幾味小菜便是了.西芹炒花枝蝦仁 , 很細碟 (見圖), 不過味道鹹了少許, 花枝片沒甚麼味道, 不過有點菜, 這樣子我都覺得不錯的.椒鹽南乳排骨粒, 排骨粒炸得乾,　吃到椒鹽味, 南乳味卻是冇掟企. 椒絲腐乳蝦醬通菜牛, 名字超長, 下單時候吩咐盡量多菜少牛肉, 來到的時候甚麼也"扣底" 的, 椒絲腐乳猶在, 蝦醬味又潛到無影無踪的.還是窩貼小棠菜對辦, 樣子討好, 口感又得, 我覺得這味最好食.還是喝支啤酒好, 妹妹仔推介藍妹, 賣約二十. 不過青島都只是十多塊喎...總括小菜偏咸, 不過 overall 都幾平, 連兩支啤酒五十有找, 平霸之選.

西灣河熟食街市打冷～ 聽朋友講呢間唔錯 黎到～食打冷就必定叫韭菜豬紅 鹵水鵝片 同埋滷水生腸 佢哋鹵水類嘅嘢 真心講真係唔錯 但係之後食廚房嘅嘢～ 就炸得都係比較乾～蠔餅同椒鹽鮮魷 我哋大家一至都覺得好食 但係佢椒鹽九肚魚 我地覺得比較似 ～天婦羅九肚魚多啲呢個就係椒鹽九肚魚啦～ 炸到黑蚊蚊 有啲硬之後啲男士都叫咗個田雞煲 ～我就唔敢食喇 ～～再叫咗個大鱔煲 ～味道唔錯 ，只係啲大鱔炸得比較乾身……最後叫咗個小炒王 ……超級咸 ……反而個霸王薑蔥雞 ～啲雞好滑 超好味 啤酒就 朝日 做緊promo～$33一枝～青島就28蚊一支 ～～其實整體嚟講都算好食嘅

上星期五晚同班黨友飲完嘢吹完水, 見天氣有d涼意, 大家不約而同都懷念起利興d羊腩煲, 落到去成十點半, 竟然座無虛席, 要搵老板仔攪掂張檯比我哋. 坐低就二話不說即要咗個煲, 一雙啤酒, 環顧四週, 有約一半嘅枱都食緊羊腩煲, 成個場都香噴噴(如果中意羊肉羶味嘅話), 個煲嚟到再滾番起之後大家都等唔切要起筷, 事隔半年, 結果無令我哋失望, d羊腩好香好入味, 連羊皮嗰d先正, 炆得夠'林'口可以中和咗d肉嘅粗'鞋'仲美味, 其次仲有入晒肉味嘅腐竹醮腐乳漿又係絕配, 最後一定要落埋d唐生菜'索'埋d汁食就夠享受勒, 掃完個煲之後其實都唔在乎其他小菜, 其實都ok ka. 通常冬天除咗羊腩煲外就係喺到打鞭爐, 夏天就嚟食潮州打冷, d鵝片鵝腸又係好正, 呢度無論你點食點飲都係幾十蚊一個人, 上次我哋都係夾咗六十蚊已經食到好到頂. 價錢好平民化下, 下次搵日天氣涷d再落去打鞭爐.

嚟到西灣河熟食市場裡面有3間食市我地今晚係去利興食打冷， 利興除咗打冷都有小菜㗎。 不過今晚我地比較想食打冷， 所以睇餐牌都係睇潮州打冷。第一樣想食嘅就係我至鐘意食嘅潮州蠔餅， 賣相睇落去好似好鬆脆， 但真係有 d失望嘅， 外面係脆嘅， 但裡面又真係有d厚， 厚得嚟好多蛋漿咁， 不過蠔仔都算大粒同多。 韭菜豬紅， 但味道偏淡， 出面食到嘅會有辣， 但呢個唔算好辣， 韭菜豬紅都 ok生腸拼墨魚， 好味當然要叫個潮州粥食啦食潮州打冷緊係要啤啤佢最後 $223 埋單

環境: 冷氣唔多夠，食咗幾個字後開始標汗，幸好重有把heavy duty嘅掛牆牛角扇在附近，否則似足焗桑拿... 食物: 價錢大衆化，三個人點咗五個餸(韮菜豬紅、紅燒乳鴿一隻、椒絲腐乳通菜、豉椒鵝腸和椒鹽瀨尿蝦)，除咗乳鴿略嫌炸得不夠香脆和肉有D靱外，其他餸水準都唔錯。最後捧住個肚走埋單兩舊水有找個＋蚊銀，都算抵食。總評: 對西灣河及筲箕灣一帶的街坊嚟講利興絕對係一個唔錯嘅開飯地方。略嫌昨晚附近玩大話骰嗰堆中坑太投入，不時大力拍枱和爆粗，同場加映了一場市井處境小品，真係都幾嘈... 但整體上都滿意這次飯局嘅！