x

港 Style 美食巡禮 - 大圍型格越南小店 香濃原條牛骨髓 帶出傳統越南好味道

最近大圍新開咗一間型格越南小店,其中香港少喺餐廳可以搵到嘅招牌牛骨髓,成功引來唔少識食嘅朋友。一向食得刁鑽嘅我哋又點可以錯過?今期港 Style 美食巡禮同你深入大圍,一齊嚟到呢間新開嘅越南小店,同大家一試特色新派越南菜。

1

小店大概有 20 個座位,型格裝修、牆上大型壁畫絕對係打卡靚位。由越南太太同埋香港混血兒老公共同開設。太太本身係越南人,以屋企人傳授傳統越南菜式,保留傳統好味道。先生本身喺美國加州法國藍帶學院畢業,又係多間歐美名店實習;先生精湛嘅廚藝,加上太太傳統嘅菜式食譜,製作出高質素嘅美食。

店內九成食材都係由越南直送,確保食物原汁原味。而且相當講究,例如有嚟自峴港嘅咖啡豆同埋檳椥市嘅烤椰子片,每星期來貨三次,用料新鮮。

 

2

桔仔茶

去親越南,經常都會見到街上途人手揸住一杯桔仔茶。用紅茶底加上柑桔仔同香茅,成為越南人最鍾意飲嘅飲品之一,酸酸甜甜,消暑解渴。

 

3

越南滴漏咖啡

越南咖啡以獨特嘅味道聞名世界,要試真咖啡豆味道,當然要試滴漏咖啡。呢度啲咖啡香氣香味濃郁醇厚,略帶苦澀回甘,鍾意越南咖啡一定要試。

 

4

椰子咖啡

一上枱已經飄來陣陣椰子香味,呢杯椰子咖啡係用越南出產嘅椰子咖啡豆,即磨即沖,正宗越南咖啡嘅香濃味道。

 

5

X 河粉 + 原條烤牛骨髓

店舖內嘅招牌牛肉湯河「X 河粉」真係名不虛傳,湯底用咗 20 斤嘅牛骨儲足 20 個鐘,店主特別推介加$58 配上牛骨髓,用匙羹加入湯底,加埋鵝蒂、九層塔同埋是拉差醬,令牛肉味加倍香濃更有層次,先係正宗越南味道。

香港好少地方可以食到牛骨髓,已其實牛骨水含有豐富嘅蛋白質、脂肪、維他命同鈣質,對身體非常有益。呢度有原條烤製嘅牛骨髓,滿滿嘅元氣。

 

6

火魔牛肉

店內大受好評嘅火魔牛肉,以燉盅裝載,保持住牛肉嘅原汁原味。

 

7

越式芝士薄餅

喺越南人氣大熱嘅街頭小食越式芝士薄餅,利用越南米紙作為餅底,上面係有雞蛋將蔥花香腸法式豬肉將美國小牛牌芝士,放喺烤爐上慢慢吼制後再放上牛肉乾同蝦米。食落口餅底非常薄脆。

 

8

香蕉椰子雪條

最後,當然要試埋呢度嘅正宗香蕉椰子雪糕,全天然材料,自家製作,香蕉同椰子非常之夾,健康美味之選。

 

9

 

10

Xi Xup

地址:大圍積存街 70-72 號地舖