x

港 STYLE 美食巡禮 不出國食盡地道泰菜!

想去旅行?或者要等多一排。想食盡多國特色菜?唔使等,喺香港都一樣可以搵到!跟實港 STYLE 多國美食巡禮,同你一齊品嚐最正宗、最地道、最有特色嘅多國菜!今次我哋嚟到位於旺角金魚街、由正宗泰國人主理嘅泰國菜館,食物質素相當有水準,價錢亦非常平民,泰國店員仲好熱情添!

 

6


 

1

泰式豬手(原隻 $130,例牌 $75

呢間餐聽嘅招牌菜、大受好評嘅泰式豬手,經過店家長時間燉煮,豬手肉質嫩口軟稔,配以祕製酸辣汁、滷味濃香,酸甜中有帶一點辣,再加上滷蛋、酸菜同芥蘭,減少油膩感,又帶出豬手嘅鮮嫩,令人一試難忘!

 

2

冬蔭大頭蝦湯($75

細細鍋嘅冬蔭湯入面,原隻大頭蝦向你招手,一上檯已經氣勢十足,IG打卡一流!望落以爲會好辣,一試先知味道酸酸甜甜,青檸汁份量拿揑得好,唔會過酸,香茅同檸檬葉亦唔會太搶,甜酸味道中帶出一點微辣,相當過癮!

 

3

泰式炒金邊粉($68

講到泰國菜,當然唔少得經典之一嘅 Phad Thai - 泰式炒金邊粉啦!泰國街頭最常見嘅一道菜,由蝦油炒成嘅橙色幼麵份外吸睛,一上檯即刻香味四溢,令人食指大動!花生醬配搭得宜,又有脆花生增加口感,再加埋雞肉、豆乾、青檸、芽菜等各種配料,酸甜開胃,難怪大人細路都咁鍾意!
 

 

4

馬拉盞炒通菜($67

呢碟馬拉盞炒通菜相當惹味, 辣度專爲港人口味而調教,就算平日唔太食得辣朋友,應該都可以接受到。通菜新鮮爽脆,帶有蝦膏蝦醬香味,香辣過癮,送飯一流!

 

5

泰式生蝦($1

無睇錯,泰式生蝦一蚊四隻。店家推出長期優惠,凡惠顧滿 $200 即可用 $1超值價換購小食一份,除生蝦以外,仲有泰式木瓜沙律、泰式粉絲沙律同埋泰式椰汁糕任你選擇!雖然話就話一蚊雞,但呢度絕對唔會將貨就價,生蝦非常鮮甜質感爽口,混合有辣椒、蒜頭等祕製泰式海鮮汁,酸、辣、甜俱備,簡直係多重味覺享受!

 

7

 

泰廚泰國菜館Thai Chef Thais Restaurant
地址:旺角通菜街126號地下